ਅੱਜ ਤੱਕ ਇਹੀ ਸੁਣਦੇ ਆਏ ਹਾਂ ਕਿ ਮਰਦ ਤਾਕਤਵਰ ਹੋਣ ਕਰਕੇ ਔਰਤ ਉੱਪਰ ਜ਼ੁਲਮ ਕਰਦਾ ਆਇਆ ਹੈ। ਇਹੀ ਸੁਣਦੇ ਆਏ ਹਾਂ ਕਿ ਔਰਤ ਮਰਦ ਦੇ ਬਰਾਬਰ ਨਹੀਂ ਹੋ ਸਕਦੀ। ਇਸੇ ਲਈ ਹੀ ਗੁਰੂ ਸਾਹਿਬਾਨ ਨੇ ਇਸ ਜ਼ੁਲਮ ਵਿਰੁੱਧ ਅਵਾਜ਼ ਉਠਾਈ ਅਤੇ ਗੁਰੂ ਗ੍ਰੰਥ ਸਾਹਿਬ ਵਿੱਚ ਗੁਰੂ ਨਾਨਕ ਸਾਹਿਬ ਜੀ ਨੇ ਕਿਹਾ ਕਿ ਜਿਸ ਔਰਤ ਨੇ ਰਾਜੇ ਮਹਾਰਾਜਿਆਂ ਨੂੰ ਜਨਮ ਦਿੱਤਾ ਹੈ ਉਹ ਭਲਾ ਮਾੜੀ ਕਿਵੇਂ ਹੋ ਸਕਦੀ ਹੈ। “ਸੋ ਕਿਉ ਮੰਦਾ ਆਖੀਐ ਜਿਤੁ ਜੰਮਹਿ ਰਾਜਾਨ ॥”(ਪੰਨਾ-੪੭੩)। ਇਸੇ ਜ਼ੁਲਮ ਵਿਰੁੱਧ ਉਠਾਈ ਅਵਾਜ਼ ਨੂੰ ਲੈ ਕੇ ਕਈ ਔਰਤ ਅਤੇ ਮਰਦ ਨੂੰ ਬਰਾਬਰ ਸਮਝਣ ਲੱਗ ਪਏ। ਜੋ ਕਿ ਅਧੂਰਾ ਸੱਚ ਹੈ। ਇਸੇ ਕਰਕੇ ਇਸ ਦੇ ਨਤੀਜੇ ਵੀ ਕੋਈ ਬਹੁਤ ਵਧੀਆ ਨਹੀਂ ਨਿਕਲੇ। ਅਸਲ…

ਕਬੀਰ ਸਾਹਿਬ ਜੀ ਦੀ ਵਾਰਤਾਲਾਪ ਕਿਸੇ ਐਸੇ ਜੋਗੀ ਨਾਲ ਹੋ ਗਈ ਜੋ ਨਗਨ ਵਿਚਰ ਰਿਹਾ ਸੀ ਅਤੇ ਉਸ ਨੇ ਸਿਰ ਵੀ ਪੂਰੀ ਤਰ੍ਹਾਂ ਘਰੜ ਮੁਰੜ ਕੀਤਾ ਹੋਇਆ ਸੀ। ਕਬੀਰ ਸਹਿਬ ਨੇ ਉਸ ਨੂੰ ਪੁੱਛਿਆ ਕਿ ਆਪ ਨਗਨ ਹੀ ਕਿਉਂ ਫਿਰ ਰਹੇ ਹੋ? ਉਸ ਨੇ ਉੱਤਰ ਦਿੱਤਾ ਕਿ ਅਸੀ ਅਪਣੇ ਬਿੰਦ ਉਪਰ ਪੂਰਾ ਕਾਬੂ ਪਾਇਆ ਹੋਇਆ ਹੈ। ਕਬੀਰ ਜੀ ਨੇ ਉਸ ਨੂੰ ਸਮਝਾਇਆ ਕਿ ਸਿਰਫ ਨਗਨ ਫਿਰਨ ਨਾਲ ਹੀ ਜੇ ਪ੍ਰਭੂ ਦਾ ਮਿਲਾਪ ਹੁੰਦਾ ਤਾਂ ਬਨ ਦੇ ਸਾਰੇ ਮਿਰਗ ਹੀ ਮੁਕਤ ਹੋ ਜਾਂਦੇ। ਕਬੀਰ ਜੀ ਨੇ ਕਿਹਾ ਭਾਈ ਜਦੋਂ ਤੱਕ ਪਰਮਾਤਮਾ ਦਾ ਨਾਮ ਨਹੀਂ ਜਪਿਆ ਤਦ ਤੱਕ ਨੰਗੇ ਰਹਿਣ ਨਾਲ ਜਾਂ ਇਸਨੂੰ ਢੱਕਣ ਨਾਲ ਕੁਝ ਨਹੀਂ ਹੋਣ ਵਾਲਾ। ਜੇ ਸਿਰ ਨੂੰ…

ਗੁਰੂ ਅਰਜਨ ਦੇਵ ਜੀ ਨੂੰ ਇੱਕ ਬੀਬੀ ਕਹਿਣ ਲੱਗੀ ਪਾਤਸ਼ਾਹ ਕੱਲ੍ਹ ਮੈਂ ਸੇਵਾ ਕਰਨ ਨਹੀਂ ਆ ਸਕਦੀ। ਗੁਰੂ ਸਾਹਿਬ ਨੇ ਪੁੱਛਿਆ ਬੀਬਾ ਜੀ ਕੀ ਗੱਲ, ਸਭ ਠੀਕ ਤਾਂ ਹੈ। ਬੀਬੀ ਜੀ ਨੇ ਕਿਹਾ ਜੀ ਗੁਰੂ ਜੀ ਸਭ ਠੀਕ ਹੈ। ਫਿਰ ਕਿਉ ਨਹੀਂ ਆ ਰਹੇ? ਬੀਬੀ ਨੇ ਕਿਹਾ ਗੁਰੂ ਜੀ ਕੱਲ ਰੱਖੜੀ ਦਾ ਤਿਉਹਾਰ ਹੈ। ਇਸ ਕਰਕੇ ਕੱਲ ਭਰਾ ਨੂੰ ਰੱਖੜੀ ਬੰਨਣ ਲਈ ਜਾਣਾ ਹੈ। ਗੁਰੂ ਜੀ ਨੇ ਪੁੱਛਿਆ ਇਹ ਤਿਉਹਾਰ ਕੀ ਹੁੰਦਾ ਹੈ? ਬੀਬੀ ਨੇ ਕਿਹਾ ਜਦੋਂ ਅਸੀਂ ਭਾਈ ਦੇ ਗੁੱਟ ਤੇ ਰੱਖੜੀ ਸਜਾਉਂਦੇ ਹਾਂ ਤਾਂ ਭਾਈ ਉਸ ਸਮੇਂ ਭੈਣ ਦੀ ਰੱਖਿਆ ਕਰਨ ਦਾ ਬਚਨ ਦਿੰਦਾ ਹੈ। ਗੁਰੂ ਸਾਹਿਬ ਨੇ ਫਿਰ ਪੁੱਛਿਆ ਕੀ ਭਰਾ ਹਰ ਸਾਲ ਹੀ ਵਚਨ ਦਿੰਦੇ ਹਨ?…

ਕਬੀਰ ਜੀ ਸਾਰੀ ਉਮਰ ਧਾਰਮਿਕ ਦਿਖਾਵੇ, ਭੇਖ, ਕਰਮ-ਕਾਂਡ ਆਦਿਕ ਨੂੰ ਡੱਟ ਕੇ ਵਿਅਰਥ ਆਖਦੇ ਰਹੇ। ਹਿੰਦੂ ਕੌਮ ਦੇ ਗੜ੍ਹ ਬਨਾਰਸ ਵਿਚ ਰਹਿੰਦੇ ਹੋਏ ਭੀ ਇਹਨਾਂ ਲੋਕਾਂ ਦੀ ਨਾ ਪ੍ਰਵਾਹ ਕੀਤੀ ਅਤੇ ਨਾ ਹੀ ਡਰੇ। ਇਸ ਲਈ ਉੱਚੀ ਜਾਤ ਦੇ ਲੋਕਾਂ ਦਾ ਇਨ੍ਹਾਂ ਲਈ ਵਿਰੋਧੀ ਬਣ ਜਾਣਾ ਕੁਦਰਤੀ ਗੱਲ ਸੀ। ਉਹਨਾਂ ਕਬੀਰ ਸਾਹਿਬ ਨੂੰ ਜਿਥੇ ਭੰਡਣ ਦੀ ਪੂਰੀ ਕੋਸ਼ਿਸ਼ ਕੀਤੀ ਉੱਥੇ ਰਾਜ ਦਰਬਾਰ ਵਿੱਚ ਵੀ ਉਨ੍ਹਾਂ ਨੂੰ ਗਲਤ ਸਾਬਿਤ ਕਰਨ ਦੀ ਹਰ ਕੋਸ਼ਿਸ਼ ਕੀਤੀ। ਇਸ ਲਈ ਕਬੀਰ ਸਾਹਿਬ ਨੂੰ ਕਈ ਪ੍ਰਕਾਰ ਦੇ ਤਸੀਹੇ ਵੀ ਸਹਿਣੇ ਪਏ। ਕਬੀਰ ਸਾਹਿਬ ਆਪ ਖੁਦ ਅਪਣੀ ਬਾਣੀ ਵਿੱਚ ਬਿਆਨ ਕਰਦੇ ਹਨ ਕਿ ਮੈਨੂੰ ਇੱਕ ਵਾਰੀ ਬਹੁਤ ਡੂੰਘੀ ਗੰਗਾ ਜਿਸ ਨੂੰ ਇਹ ਮਾਤਾ ਕਹਿੰਦੇ ਹਨ ਵਿੱਚ ਡੋਬਣ…

ਹਰਨਾਖਸ਼ ਨਾਮ ਦਾ ਇੱਕ ਰਾਜਾ ਸੀ। ਕਹਿੰਦੇ ਉਸ ਨੇ ਬਹੁਤ ਭਗਤੀ ਕੀਤੀ ਸੀ। ਉਸ ਦੀ ਭਗਤੀ ਤੋਂ ਖੁਸ਼ ਹੋ ਕੇ ਰੱਬ ਨੇ ਉਸ ਨੂੰ ਕੋਈ ਵਰ ਮੰਗਣ ਲਈ ਕਿਹਾ ਸੀ। ਉਸ ਨੇ ਮੰਗਿਆ ਕਿ ਮੈਂ ਕਦੇ ਨਾ ਮਰਾਂ, ਨਾ ਅੰਦਰ, ਨਾ ਬਾਹਰ, ਨਾ ਦਿਨੇ, ਨਾ ਰਾਤੀਂ, ਨਾ ਧਰਤੀ ਤੇ, ਨਾ ਆਕਾਸ਼ ਤੇ, ਨਾ ਮਨੁੱਖ ਕੋਲੇ, ਨਾ ਜਾਨਵਰ ਕੋਲੋਂ, ਨਾ ਸ਼ਾਸਤਰ ਨਾਲ, ਨਾ ਅਸਤਰ ਨਾਲ। ਕਹਿੰਦੇ ਰੱਬ ਨੇ ਉਸ ਨੂੰ ਸਾਰੇ ਵਰ ਦੇ ਦਿੱਤੇ। ਇਹ ਸਭ ਵਰ ਪਾ ਕੇ ਉਹ ਖੁਦ ਹੀ ਰੱਬ ਬਣ ਬੈਠਾ। ਉਸ ਨੇ ਅਪਣੇ ਸਾਰੇ ਰਾਜ ਵਿੱਚ ਐਲਾਨ ਕਰ ਦਿੱਤਾ ਕਿ ਮੈਂ ਕਦੇ ਨਹੀਂ ਮਰਨਾ। ਮੈ ਹੀ ਰੱਬ ਹਾਂ ਮੇਰਾ ਹੀ ਨਾਮ ਜਪਿਆ ਜਾਵੇ। ਇਹ ਰੱਬ ਨੂੰ…